రావిపూడి బాలీవుడ్ రూట్

టాలీవుడ్ లో ప్రస్తుతం మోస్ట్ సక్సెస్ ఫుల్ డైరెక్టర్ గా తిరుగులేని ఇమేజ్ తో దూసుకుపోతున్న వ్యక్తి అనిల్ రావిపూడి. ప్రస్తుతం ఇతని నుంచి భగవంత్ కేసరి చిత్రం వస్తోంది. ఈ సినిమా హిట్ అయితే డబుల్ హ్యాట్రిక్ ని అతని ఖాతాలో వేసుకుంటాడు. రాజమౌళి తర్వాత టాలీవుడ్ లో ఫ్లాప్ అంటూ లేకుండా సినిమాలు చేస్తోన్న దర్శకుడిగా గుర్తింపు తెచ్చుకుంటాడు.

అనిల్ రావిపూడి బెస్ట్ మూవీస్ లో ఎఫ్ 2 కచ్చితంగా ఉంటుందని చెప్పాలి. రెండు తరాలకి చెందిన ఇద్దరు హీరోలని తీసుకొని అవుట్ అండ్ అవుట్ ఫ్యామిలీ ఎంటర్టైనర్ గా సినిమాని ఆవిష్కరించి బ్లాక్ బస్టర్ హిట్ సొంతం చేసుకున్నాడు. ఈ చిత్రంలో వరుఙ్ తేజ్ మొదటిసారి పూర్తిస్థాయిలో కామెడీ చేశారు. 30 కోట్లతో నిర్మించిన ఈ మూవీ ఏకంగా 100 కోట్లు కలెక్ట్ చేసి రికార్డు సృష్టించింది.

ఇప్పటికి ఎఫ్2 మూవీ టీవీలలో కూడా ఆడియన్స్ ని అలరిస్తూ ఉంటుంది. ఇప్పుడు ఈ చిత్రాన్ని దిల్ రాజు బాలీవుడ్ లో రీమేక్ చేయాలని అనుకుంటున్నారు. కచ్చితంగా సినిమాలో ఉన్న ఫ్యామిలీ ఎంటర్టైన్మెంట్ డ్రామా బాలీవుడ్ ప్రేక్షకులకి కనెక్ట్ అవుతుందని అంచనా వేస్తున్నారు. అందుకే మూవీని హిందీలో ఇద్దరు స్టార్స్ తో చేయాలని అనుకుంటున్నారు.

దానికి సంబందించిన కసరత్తులు స్టార్ట్ అయ్యాయి. భగవంత్ కేసరి రిలీజ్ తర్వాత అనిల్ రావిపూడి ఎఫ్ 2 హిందీ రీమేక్ పైన వర్క్ చేస్తారనే టాక్ వినిపిస్తోంది. త్వరలో ఈ సినిమాకి సంబందించిన అఫీషియల్ కన్ఫర్మేషన్ వచ్చే అవకాశం ఉంది. దిల్ రాజు బాలీవుడ్ లో కూడా స్టార్ ప్రొడ్యూసర్ అనిపించుకోవాలని అనుకుంటున్నారు. జెర్సీ, హిట్ సినిమాలని హిందీలో రీమేక్ చేశారు. ఈ రెండు పెద్దగా నార్త్ ఇండియన్ ఆడియన్స్ కి కనెక్ట్ కాలేదు.

మూడో ప్రయత్నంగా తన బ్యానర్ లోనే వచ్చి ఎఫ్2ని రీమేక్ చేయడానికి రెడీ అవుతున్నారు. ఈ మూవీ అయితే గ్యారెంటీ సక్సెస్ అని భావించి ముందడుగు వేస్తున్నట్లు తెలుస్తోంది. మరి ఈ సినిమా ఏ మేరకు దిల్ రాజుకి బాలీవుడ్ లో గేట్ పాస్ గా ఉపయోగపడుతుందో చూడాలి.