యంగ్రెబల్ స్టార్ ప్రభాస్ హీరోగా, తొలిప్రేమ కరుణాకరన్ దర్శకత్వంలో,
'ఛత్రపతి' ప్రసాద్ శ్రీ వెంకటేశ్వర సినీ చిత్ర ఇండియా ప్రైవేట్ లిమిటెడ్ పతాకంపై నిర్మిస్తున్న భారీ చిత్రం బ్యాంకాక్లో చిత్రీకరణ జరుపుకోనుంది. ఈ నెల 21 నుంచి స్టంట్ మాస్టర్ పీటర్ హెయిన్స్ సారథ్యంలో ఓ భారీ ఫైట్ని పది రోజుల పాటు చిత్రీకరించనున్నారు. ఈ ఫైట్లో ప్రభాస్తో ఫారిన్ ఫైటర్స్ పాల్గొంటారు. ఈ చిత్రానికి ఫైట్ హైలైట్గా నిలుస్తుందని నిర్మాత బి.వి.ఎస్.ఎన్ ప్రసాద్ అన్నారు.
ఇంకా నిర్మాత మాట్లాడుతూ.. 'ఛత్రపతి' వంటి సూపర్హిట్ చిత్రం తర్వాత ప్రభాస్తో తమ బేనర్లో చేస్తున్న ఈ సినిమాను స్విట్జర్లాండ్లో, అరకులో వేసిన భారీ సెట్లో, హైదరాబాద్లో జరిపిన షెడ్యూల్స్తో 70 శాతం షూటింగ్ పూర్తయిందన్నారు.
ప్రభాస్ కెరీర్లో డిఫరెంట్ రొమాంటిక్ కమర్షియల్ ఎంటర్టైనర్గా ఈ చిత్రాన్ని దర్శకుడు అద్భుతంగా రూపొందిస్తున్నాడని నిర్మాత వెల్లడించారు. మార్చిలో విడుదలయ్యేందుకు సిద్ధమవుతున్న ఈ సినిమా తమ బ్యానర్లో మరో సూపర్హిట్ సినిమా నిలుస్తుందని ప్రసాద్ నమ్మకం వ్యక్తం చేశారు.
యంగ్ రెబల్ స్టార్ ప్రభాస్ సరసన కాజల్ అగర్వాల్ హీరోయిన్గా నటిస్తోన్న ఈ చిత్రంలో తమిళ హీరో ప్రభు ఓ కీలక పాత్ర పోషిస్తున్నారు. ప్రముఖ తారాగణం ముఖ్యపాత్రలు పోషిస్తున్న ఈ చిత్రానికి సంగీతం: జి.వి.ప్రకాశ్ కుమార్, ఫోటోగ్రఫీ: ఆండ్రూస్, ఫైట్స్: పీటర్హెయిన్స్, ఎడిటింగ్: కోటగిరి.
| Comments |
|
Powered by !JoomlaComment 3.26
