భారత్‌-బంగ్లాదేశ్‌ల మధ్య మీర్పూర్‌ వేదికగా జరిగిన రెండో టెస్టులో భారత్‌ జట్టు 10 వికెట్ల తేడాతో ఆతిథ్య బంగ్లాపై విజయం సాధించింది. దీంతో టెస్ట్‌ సిరీస్‌ను 2-0 తేడాతో కైవసం చేసుకుంది. 228/3 పరుగుల ఓవర్‌నైట్‌ స్కోరుతో బరిలోకి దిగిన బంగ్లాపై భారత్‌ బౌలర్లు విరుచుకుపడ్డారు. 312 పరుగులకే బంగ్లా బ్యాట్స్‌మెన్‌లను పెవీలియన్‌కు పంపారు. కేవలం రెండు పరుగుల లక్ష్యంతో బరిలోకి దిగిన భారత్‌కు ఎక్స్‌ట్రాల రూపంలో బంగ్లా జట్టు ఆ పరుగులను సమర్పించుకోవడం విశేషం. నిప్పులు చెరుగుతూ బౌలింగ్‌ చేసిన జహీర్‌ఖాన్‌ (7/87) తన కెరీర్‌లోనే అత్యుత్తమ గణాంకాలు నమోదు చేయడంతో పాటు ఈ మ్యాచ్‌లో మొత్తం పది వికెట్లు పడగొట్టాడు.