తెలుగు నౌ !

తెరాస అధ్యక్ష పదవికి కేసీఆర్‌ రాజీనామా చేసి మంచి నిర్ణయం తీసుకున్నారని తెలంగాణ విమోచన సమతి నాయకులు దిలీప్‌కుమార్‌ అన్నారు. ప్రత్యేక తెలంగాణ ఏర్పడితే దళితుడిని ముఖ్యమంత్రిగా చేస్తానని కేసీఆర్‌ అన్నారని, అయితే కనీసం ఇప్పుడైనా పార్టీ అధ్యక్ష పదవి దళితునికి ఇస్తే బాగుంటుందని ఆయన అభిప్రాయపడ్డారు. తాము తెరాస అనుసరిస్తున్న విధానాలను మాత్రమే విభేదించి తెలంగాణ విమోచన సమితి ఏర్పాటు చేశామని అంతేగానీ తెరాస అంటే మాకేమీ వ్యతిరేకత లేదని ఆయన స్పష్టం చేశారు. కేసీఆర్‌ రాజీనామా చేయడం ఆ పార్టీ అంతర్గత విషయమని దానిపై తాను ఎక్కువగా స్పందించనన్నారు. ప్రత్యేక తెలంగాణ కోసం తెరాస మరో నేత ద్వారా ఉద్యమాలు చేస్తే తమ సహయం తప్పక ఉంటుందని ఆయన హామీ ఇచ్చారు.