యూపీఏది అసమర్థ పాలన: మోడీ ధ్వజం

కేంద్రంలో అధికారం సాగిస్తున్న యూపీఏది అసమర్థ పాలన అని గుజరాత్ ముఖ్యమంత్రి నరేంద్రమోడీ విమర్శించారు. యూపీఏ అసమర్థ పాలనపై ప్రజలు ఆగ్రహంతో ఉన్నారని ఆయన ఈ సందర్భంగా దుయ్యబట్టారు.

హాజీపూర్‌లో శనివారం జరిగిన ఎన్నికల ప్రచార సభలో మోడీ మాట్లాడుతూ బలహీన నేతల పాలనతో ప్రజలు విసిగిపోయి ఉన్నారంటూ పేర్కొన్నారు. పాకిస్థాన్‌తో సమస్యను పరిష్కరించడం సాధ్యంకాక అమెరికా సాయం కోసం పరుగులు తీస్తున్నారంటూ ఆయన యూపీఏ సర్కారుపై నిప్పులు చెరిగారు.

పాకిస్థాన్‌లోని సిక్కులు తాలిబన్లు చెరలో అష్టకష్టాలు పడుతుంటే కాపాడలేక పోతున్నారని, మన్మోహన్ సింగ్ బలహీనత వల్లే ఇదంతా జరుగుతోందంటూ ఆయన దుయ్యబట్టారు.

ఇలాంటి నేపథ్యంలో దేశవ్యాప్తంగా భారతీయ జనతా పార్టీకి అనుకూల పవనాలు వీస్తున్నాయని ఆయన అన్నారు. ఈసారి ఎన్నికల్లో బీజేపీ ఎక్కువ సీట్లు సాధించడం ఖాయమని ఆయన ఈ సందర్భంగా ధీమా వ్యక్తం చేశారు.

Comments

Add New

RSS