తెలుగు నౌ !

ఆస్ట్రేలియాలోని ప్రముఖ వ్యాపార సంస్థల సర్వర్లలోకి అక్రమంగా చొరబడటం (హ్యాకింగ్‌) వెనుక 'భారతీయ హ్యాకర్ల సంఘం' పాత్ర ఉన్నట్లు తెలుస్తోంది. ఆస్ట్రేలియాలో భారతీయులపై జరుగుతున్న దాడులకు ప్రతీకారంగా హ్యాకింగ్‌ జరిగినట్లు సమాచారం. రోజువారీ పనులేవీ జరక్కుండా ఇక్కడి సర్వర్లకు భారతీయ హ్యాకర్లు తాళాలు వేసేశారు. ఫలితంగా ఆస్ట్రేలియన్‌ కంపెనీలకు కోట్లాది రూపాయల మేర నష్టం వాటిల్లినట్లు అంచనా. విక్టోరియా పోలీసులు హ్యాకింగ్‌పై విచారణ ప్రారంభించారు. నిరసన వ్యక్తం చేసే పద్ధతుల్లో హ్యాకింగ్‌ ఒకటిగా మారిపోయిందని డిజిటల్‌ నేర పరిశోధనా నిపుణుడు ఆండ్రూ లోనీ వ్యాఖ్యానిస్తున్నారు.