పెట్రో ధరల పెంపు విషయంలో విపక్షాలు ప్రభుత్వ నిర్ణయాన్ని తప్పుబడుతున్న నేపథ్యంలో కేంద్రానికి యూపీఏ ఛైర్‌పర్సన్‌ సోనియాగాంధీ పూర్తి మద్దతు తెలిపారు. కాంగ్రెస్‌ పార్లమెంటరీ పార్టీ సమావేశంలో ఎంపీలనుద్దేశించి సోనియా మాట్లాడారు. కేంద్ర ఆర్థికశాఖ మంత్రి ప్రణబ్‌ముఖర్జీ బడ్జెట్‌పై ఆమె ప్రశంసలు కురిపించారు. ఆర్థికలోటును సరిచేసే దిశలో ఈ బడ్జెట్‌ను రూపొందించారని అన్నారు. పెట్రో ధరల పెంపుతో వచ్చే అదనపు ఆదాయం దేశంలోని గ్రామీణ ప్రాంతాల అభివృద్ధికి సహకరిస్తుందని తెలిపారు. అయితే ప్రస్తుతం ధరల నియంత్రణ అంశమే యూపీఏ ప్రభుత్వ ప్రథమ ప్రాధాన్యమని పేర్కొన్నారు. పార్లమెంట్‌లో విపక్షాల తీరును కూడా తప్పుబట్టారు. బడ్జెట్‌ను ప్రవేశపెడుతుండగా విపక్షాలు సభకు అడ్డుతగిలిన తీరు సరిగా లేదని, తాము ప్రతిపక్షంలో ఉండగా ఎప్పుడు ఇలా ప్రవర్తించలేదని అన్నారు.