ప్రధాని మన్మోహన్‌సింగ్‌ అధ్యక్షతన ఈరోజు ఉదయం జరిగిన కేంద్ర మంత్రివర్గ సమావేశం ప్రభుత్వ రద్దుకు రాష్ట్రపతికి సిఫార్సు చేసింది. అనంతరం ప్రధాని రాష్ట్రపతి భవన్‌కు వెళ్లి ప్రతిభాపాటిల్‌ను కలిశారు. ప్రధాని పదవికి తన రాజీనామాను సమర్పించారు. దీంతోపాటు మంత్రులు చేసిన రాజీనామా లేఖలను కూడా సమర్పించారు. ప్రభుత్వం రద్దుకు మంత్రివర్గం చేసిన సిఫార్సును అందజేశారు. అనంతరం కొత్త ప్రభుత్వం ఏర్పడేవరకు ఆపద్ధర్మ ప్రధానిగా కొనసాగాలని రాష్ట్రపతి ఆయనను కోరారు. ప్రభుత్వ ఏర్పాటుకు ఆయనను రేపు రాష్ట్రపతి ఆహ్వానించే అవకాశం ఉంది.