పాకిస్థాన్‌కు గుణపాఠం నేర్పి ఆ దేశ దళాలను వెనక్కు తరిమికొట్టిన కార్గిల్‌ విజయానికి నేటితో పదకొండేళ్లు పూర్తి అయ్యాయి. 1999లో మే, జులై నెలల్లో జరిగిన ఈ యుద్ధంలో మాతృదేశం కోసం ఎందరో జవాన్లు అమరవీరులయ్యారు. వీరి త్యాగానికి గుర్తుగా ఏటా ప్రభుత్వం కార్గిల్‌ విజయ్‌ దివస్‌ను నిర్వహిస్తోంది. రెండు రోజుల పాటు జరిగే ఈ వేడుకల్లో ఆర్మీ, వైమానిక దళాలు సంయుక్తంగా విన్యాసాలు నిర్వహించనున్నాయి. ఇండియాగేట్‌ వద్ద ఉన్న అమర్‌ జవాన్‌ జ్యోతి వద్ద ప్రధాని అమరవీరులకు నివాళులు అర్పించనున్నారు.