తెలుగు నౌ !

ప్రపంచంలో చవకకారుగా విడుదలయి మంచి జనాదరణ పొందుతున్న టాటా మోటార్స్ సంస్థ వారి టాటా నానో సూపర్ లగ్జరీ వెర్షన్ రూపొందుతున్న విషయం తెలిసిందే. ఈ విషయాన్ని ఢిల్లీ ఆటో షోలో డిసి డిజైన్స్ ప్రమోటర్ దిలీప్ ఛాబ్రియా వెళ్లడించిన సంగతి తెలిసిందే. దీనికి గాను టాటా మోటార్స్ తో డిసి డిజైన్స్ ఒప్పందం కుదుర్చుకుంది. కాగా ఇప్పుడు తాజాగా ఈ కారు నమూనా చిత్రాన్ని విడుదల చేసారు.

DG 490 కోడ్ తో రూపొందుతున్న ఈ కారు వచ్చే మే నెల నుండీ అమ్మకానికి రానున్నట్టు సమాచారం. ఈ సరికొత్త నానో వింగ్ డోర్స్ తో రూపొంది ఐదుగురు సౌకర్యవంతంగా కూర్చునేందుకు వీలుగా రూపొందించారు. కాగా ఈ కారు 225 km/h వేగంతో దూసుకుపోగలదు. కానీ ఈ కారును మీ సొంతం చేసుకోవాలంటే మీరు 130,000 £ యూరోలు వెచ్చించాల్సి వుంటుంది. అంటే మన కరెన్సీలో సుమారు 84 లక్షలా 23 వేల రూపాయలు. తొలుత ఈ మోడల్ లో ఒక్క కారునే రూపొందించాలనుకుంటున్నట్టు, అటు పిమ్మట ఆర్డర్లను బట్టి మరిన్ని కార్లను రూపొందిస్తామని సంస్థ వర్గాలు తెలిపాయి. ఈ ప్రాజెక్టులో టాటా మోటార్స్ పాలుపంచుకోకపొవడం విశేషం.